Դեկտեմբերի 27-ին մեկնարկում է PRO EVOLUTION SOCCER (PES2020) համակարգչային խաղի Հայաստանի առաջին պաշտոնական առաջնությունը:
Առաջնությունը կազմակերպում է Հայաստանի ֆուտբոլի ֆեդերացիան KONAMI ընկերության և UEFA-ի կողմից տրված բացառիկ իրավունքով: Առաջնություն անցկացվելու է դեկտեմբերի 28-ին և 29-ին՝ Cyberstars գեյմ-զոնում (Իսահակյան 18, Աբովյան 11/55):
Առաջնության հաղթողներից ձևավորվելու է PES համակարգչային խաղի Հայաստանի հավաքականի կազմը (4 մասնակից), ովքեր հնարավորություն են ստանալու մասնակցել UEFA-ի և KONAMI-ի կողմից կազմակերպվող UEFA eEURO2020 մրցաշարին: UEFA eEURO2020 մրցաշարի եզրափակիչ փուլը անցկացվելու է 2020 թվականի հուլիսի 9-ին և 10-ին՝ Լոնդոնում՝ Եվրոպայի 2020 թվականի առաջնության կիսաեզրափակիչ և եզրափակիչ խաղերի միջև ընկած ժամանակահատվածում: Հայաստանի կիբերֆուտբոլի հավաքականի առաջին 3 մասնակիցները կլինեն այս մրցաշարում մրցանակային եռյակում տեղ գտած մասնակիցները, իսկ 4-րդ մասնակիցը կլինի 1/8 եզրափակիչ հասած մասնակիցների միջև կազմակերպած մինի մրցաշարի հաղթողը:
Մասնակիցները կպարգևատրվեն նաև մրցաշարի գլխավոր գործընկեր UCOM ընկերության կողմից սահմանված այլ արժեքավոր նվերներով:
1-ին հորիզոնական – Play Station 4 PRO խաղային համակարգիչ
2-րդ հորիզոնական – JBL ականջակալ
3-րդ հորիզոնական – Հայաստանի ազգային հավաքականի մարզաշապիկ
Մրցանակային են նաև 4-8 հորիզոնականները:
Առաջնությանը մասնակցելու համար անհրաժեշտ է լրացնել անձնական տվյալները հետևյալ հղումով: Մասնակիցների առավելագույն քանակը 128 է:
Մասնակցել կարող են միայն 16 տարեկանը լրացած անձինք:
Առաջնության մուտքն ԱՆՎՃԱՐ Է:
Առաջնության կանոններին, պայմաններին և ժամանակացույցին ծանոթանալու համար, կարող եք անցնել հետևյալ հղումով:
Գրում է ՀՖՖ պաշտոնական կայքը։
