Երևանում կայացել է ՀՀ ԱԽ քարտուղար Արմեն Գրիգորյանի ու նրա ռուս պաշտոնակցի՝ Նիկոլայ Պատրուշևի հանդիպումը:
Ռուսարմինֆոյի հաղորդմամբ՝ հանդիպման ժամանակ քննարկվել է հարցերի լայն շրջանակ, որ վերաբերում է երկու երկրների համագործակցությանը՝ Անվտանգության խորհուրդների, իրավապահ մարմինների, ռազմական գերատեսչությունների և հատուկ ծառայությունների գծով:
Տարածած հաղորդագության մեջ նշվում է. «Պատրուշևն ընդգծել է միջազգային տեղեկատվական անվտանգության հարցերում հայ-ռուսական սերտ համագործակցության կարևորությունը: Նա կարևորել է այս հարցում թե´ երկկողմ, թե´ միջազգային կազմակերպությունների շրջանակներում համագործակցությունը»:
Արմեն Գրիգորյանն ու Նիկոլայ Պատրուշևը քննարկել են տարածաշրջանային անվտանգությանը, ԱՊՀ, ՀԱՊԿ, ԵԱՏՄ և ՄԱԿ-ի Գլխավոր քարտուղարության շրջանակներում երկկողմ համագործակցությանը վերաբերող հարցեր:
