Հրդեհ Արզնի համայնքում․ այրվել են վագոն-տնակներ

Հուլիսի 25-ին, ժամը 17:05-ին «911» ծառայությանը տեղեկություն է հաղորդվել, որ Աբովյան-Նոր Հաճն ավտոճանապարհին՝ կամրջի մոտակայքում, այրվում է խոտածածկ տարածք:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից երեք մարտական հաշվարկ:

Պարզվել է, որ հրդեհը բռնկվել է Կոտայքի մարզի Արզնի համայնքի 4-րդ թաղամասի սկզբնամասում:

Հրդեհը մեկուսացվել է ժամը 18:07-ին, մարվել՝ 19:07-ին:

Այրվել են երկու վագոն տնակ՝ մասամբ (27 քմ և 20 քմ ), 50 պտղատու ծառ, 5 հա բուսածածկույթ և ջերմահարվել է մոտ 50 պտղատու ծառ: Հրդեհի հետևանքով տուժածներ չկան:

Այս մասին տեղեկացնում են ՀՀ ԱԻՆ պաշտոնական կայքից։