Այսօր՝ փետրվարի 7-ին, ժամը 03:20-ին, Մարտակերտի շրջանային ԱԻ բաժնի ահազանգման կենտրոնում հաղորդում է ստացվել, որ Առաջաձոր համայնքի տարածքում հրդեհ է բռնկվել: Նախնական տվյալներով այրվում է «Արիս Պողոսյանի» անվան միջնակարգ դպրոցը:
Այս մասին հայտնում են Արցախի արտակարգ իրավիճակների պետական ծառայությունից։
- Բաքվի նպատակը մշակութային ցեղասպանություն իրականացնելն է․ Հունաստանի դեսպան
- Կրակոցներ Ստեփանակերտում․ բերման ենթարկվածը անհավասարակշիռ վիճակում է եղել
«Ժամը 03:15-ին Մարտակերտի ԱԻ բաժնին կից՝ Առաջաձորի հրշեջ փրկարար ջոկի հրշեջ մեքենան, մարտական հաշվարկով մեկնել է դեպքի վայր: Օպերատիվ իրավիճակը գնահատելուց հետո ժամը 03:23-ին դեպքի վայր է մեկնել նաև երկրորդ հրշեջ մեքենան:
Հրդեհի մեկուսացման և հրդեհաշիջման աշխատանքները կազմակերպելու, ինչպես նաև անհրաժեշտության դեպքում բնակչությանը օգնություն ցուցաբերելու նպատակով դեպքի վայր են մեկնել Մարտակերտի հրշեջ փրկարար մասից երկու մարտական հաշվարկ:
Հրդեհը մեկուսացվել է ժամը 05:05-ին:
Նախնական տվյալներով այրվել է առաջին հարկում գտնվող դպրոցի փայտանոցը, երկրորդ հարկի 4 պատուհան և ծխահարվել է առաջին հարկի միջանցքը:
Հրդեհի լիկվիդացման ուղղությամբ այս պահին իրականացվում են աշխատանքներ:
Դեպքի առթիվ ստուգումներ է իրականացնում ՊՀ և ՏԱ տեսչությունը», – ասված է ԱԻՊԾ-ի պաշտոնական հաղորդագրության մեջ:
