Ճապոնիայում ստեղծվել է հրշեջ ռոբոտների առաջին ջոկատը: Դրանք նախատեսված են լայնածավալ հրդեհների համար, երբ վտանգավոր է մարդկանց միջամտությամբ հրդեհը մարել: Այս մասին գրում է Kyodo-ն:
Ջոկատը բաղկացած է ռոբոտների 4 խմբից, որոնցից մեկը ներկայացնում է անօդաչու թռչող սարքեր: Այն նախատեսված է հրդեհի բնույթի և դրա զարգացման մասին տվյալներ փոխանցելու համար:
Ջոկատը նաև ներառում է բուլդոզեր իր դույլով և ձեռք-մանիպուլյատորով, որը նախատեսված է փլատակների մաքրման համար: Բացի այդ, հրշեջ ռոբոտների ջոկատում ընդգրկված են նաև ջրային թնդանոթներով տարբեր տեսակի մեքենաներ:
Հայտնի է, որ ջոկատի խմբերից մեկն արդեն տեղակայված է Իտիհարա քաղաքի բազայում: