Թուրինի «Յուվենտուսի» հարձակվող Գոնսալո Իգուայինը, որը վարձավճարով հանդես է գալիս «Միլանում», շատ մոտ է Լոնդոնի «Չելսի» տեղափոխվելուն: Տեղեկացնում է Football Italia-ն:
31-ամյա խաղացողը հրաժեշտ է տվել «Միլանում» իր թիմակիցներին, ակումբի անձնակազմին ու հավաքել իրերը Միլանելո մարզաբազայից: Սպասվում է, որ արգենտինացին վաղը բուժզննում կանցնի լոնդոնյան ակումբում:
Իգուայինի եղբայրը և գործակալը՝ Նիկոլասը, այժմ Լոնդոնում են, որտեղ քննարկում են տեղափոխության վերջին մանրամասները:
Այս մասին հայտնում է armsport.am-ը։
