Սեպտեմբերի 12-ին Թուրքիայի հատուկ ներկայացուցիչ Սերդար Քըլըչի գլխավորած պատվիրակության Հայաստան այցի ընթացքում Քըլըչը զարդանախշերով արծաթե ափսե է նվիրել ՀՀ արտաքին գործերի փոխնախարար Վահան Կոստանյանին։ Նվերը գնահատվել է 101,228 դրամ, և Կոստանյանը այն հանձնել է Կոռուպցիայի կանխարգելման հանձնաժողովին, քանի որ 60,000 դրամը գերազանցող նվերները պաշտոնյաները պարտավոր են հանձնել պետությանը կամ համայնքին։
Արծաթե ափսեն խորհրդանշական է թվում, քանի որ վերջին տարիներին Հայաստանի բարձրագույն ղեկավարությունը միշտ պատրաստակամ է եղել ՀՀ շահերը սկուտեղի վրա հանձնել Թուրքիային։ Հավանաբար հերթական չափաբաժինը վերցնելու հարց է առաջացել։