Որպես վարչապետ՝ ինձ վրա եմ վերցնում իրավիճակի ողջ պատասխանատվությունը․ Փաշինյան

ՀՀ վարչապետ Նիկոլ Փաշինյանը այսօր Կառավարության նիստի ընթացքում խոսեց ներկա իրավիճակի ու իր առաջարկած ճանապարհային քարտեզի մասին։

Նա ասաց, որ ծանր ժամանակներ են ու պետք է հաղթահարենք ժամանակն ու նրա ծանրությունը։

Փաշինյանը նշեց, որ ինքը՝ որպես Հայաստանի Հանրապետության վարչապետ, իր վրա է վերցնում ստեղծված իրավիճակի ողջ պատասխանատվությունը, բայց նաև գիտակցում է, որ իր վրա է նաև հետագա զարգացումների պատասխանատվությունը։

Վարչապետը ընդգծեց, որ նոյեմբերի 18-ին հրապարակած իր ճանապարհային քարտեզի իրականացումը բացարձակ առաջնահերթություն և անհրաժեշտություն է։