Իրանը հայտարարել է, որ ցանկանում է լավ հարաբերություններ ունենալ Սաուդյան Արաբիայի, Արաբական Միացյալ Էմիրությունների և նրանց դաշնակիցների հետ, և կոչ է արել այդ պետություններին վերջ տալ վեճին հարևան Կատարի հետ:
Իրանի արտգործնախարար Մոհամադ Ջավադ Զարիֆը երեկ ասել է, որ պաշտոնական Թեհրանը չափազանց լավ հարաբերություններ ունի Կատարի, Քուվեյթի և Օմանի հետ:
«Մենք հուսով ենք, որ նույն կարգի հարաբերություններ կունենանք Սաուդյան Արաբիայի, Բահրեյնի և Արաբական Միացյալ Էմիրությունների հետ», – լրագրողներին ասել է Զարիֆը:
