Միջազգային բորսաներում բնական գազի արժեքի այսպիսի անկման պայմաններում, կարծում եմ, որ գործող իշխանություններն իրավունք ունեն մատակարարող երկրից պահանջելու, որպեսզի վերանայեն և իջեցնեն գները:
Չհակառակվելու համար նշեմ, որ շատերից լավ եմ տեղեկացված, որ միջազգային բորսաներով չի պայմանավորված կնքված համաձայնագիրը, որը երբեմն անվանվում է ղազագիր, որովհետև նախկին ռեժիմի կողմից հերթական պարտադրվանքով կնքված և վավերացված համաձայնագրերի շարքին է դասվում:
Հիշում եմ, որ գործող իշխանությունից որոշ մարդիկ՝ ազդեցիկներից շատերը, վավերացման օրերին Բաղրամյան պողոտան էին փակել բոլորիս հետ՝ որպես բողոքի նշան: Հիմա, քանզի նրանք ունեն պետական իշխանություն և հարաբերություններ ռուսաստանյան ղեկավարության, ինչպես նաև տեղական գազը մատակարարող կազմակերպության հետ, ինչը, կարծես թե բացակայում էր ակտիվիստ ու ընդդիմադիր եղած ժամանակ, կարողություն ունեն դիմելու գների նվազեցման համար:
Իրականում մամուլում խոսվում է զուգահեռ երեք գործընթացներից՝ էժանացում, թանկացում և գնի անփոփոխ մնալ, բայց ես, որպես քաղաքացի, ով սպառում է գազը և ուզում է իրեն զգալ ոչ թե ռուսական ֆորպոստում բնակվող վիճակագրական տվյալ, այլ աշխարհի մի մասը, պահանջում եմ, որպեսզի գնան վերանայման, որի իրականացումն ավելի հավանական է դառնում ամբողջ աշխարհում հաստատված արտակարգ դրության պայմաններում:
Վստահեցնում եմ, որ գազի գնի համարժեք՝ կրկնակի նվազեցումը կբերի տնտեսության մրցունակության աննախադեպ բարձրացման: Եվ եթե մեզ բարեկամ համարող դաշնակիցը ցանկանում է մեր մրցունակ ու ուժեղ լինելը, ապա առնվազն կրկնակի կնվազեցնի գները:
Հ.Գ. Հիմա չունե՞նք, չէ՞, պարտքեր, որոնք կուտակել էին օլիգարխները՝ 300 մլն դոլար, և բոլորիս ու պետության հաշվին փակեցին, մի բան էլ՝ Հայաստանի փայը տվեցին ռուսական կողմին:
Նարեկ Այվազյան
https://www.facebook.com/NarekMasisAyvazyan/posts/3884670618211470