Գազայում Պաղեստինի կառավարության տեղեկատվական գրասենյակի հայտարարության մեջ ասվում է, որ իսրայելական ռեժիմի բանակը շարունակում է Գազայի հատվածի խաղաղ բնակչության դեմ սարսափելի հանցագործություններ կատարել, դրանց թվում՝ ավելի քան 1 միլիոն 700 հազար պաղեստինցի խաղաղ բնակիչների բռնի տեղահանումը։
Ըստ իրանական ԻՐՆԱ գործակալության՝ Իսրայելի ռեժիմը սպանությունների և ռմբակոծությունների սպառնալիքների, ինչպես նաև մարդկության դեմ հանցագործություն համարվող միջազգային արգելված զենքի կիրառման միջոցով պաղեստինցի քաղաքացիներին ստիպում է լքել իրենց տները և ներքին տեղահանվածներ դառնալ։
