«Ջոկեր» ֆիլմը դարձել է ամենաբարձր գնահատված կինոկոմիքսը

«Ջոկեր» ֆիլմը դարձել է ամենաբարձր գնահատված կինոկոմիքսը համաշխարհային կինեմատոգրաֆիայի պատմության մեջ։
News.ru-ն, հղում անելով The Independent-ին, գրում է, որ ֆիլմի վարկանիշը, արդեն կազմում է առավելագույն 10 բալից 9,7 բալ։ Ֆիլմի ցուցադրությունը կինոթատրոններում սկսվելու է հոկտեմբերին։
«Ջոկերի» պրեմիերան կայացել է օգոստոսի 31-ին Վենետիկի կինոփառատոնում։ «Ջոկեր» ֆիլմն այնտեղ արժանացել է ութրոպեանոց ծափահարությունների։
Հայտնի է, որ «Ջոկեր» ֆիլմում գլխավոր դերում հանդես եկած Խոակին Ֆենիկսը դարձել է «Օսկար» մրցանակի հիմնական թեկնածուներից։ Նրա  հնարավորությունը գնահատվում է 30,7 տոկոս։
«Ջոկերի» ռեժիսորը խոստովանել էր, որ ֆիլմի սյուժեն շատ է տարբերվում DC-ի բնօրինական կոմիքսից։