Վրաստանի վարչապետ Գեորգի Գախարիան երեկ կայացած մամուլի ասուլիսի ընթացքում պնդել է, որ Վրաստանում կա մոբիլիզացիա կորոնավիրուսային հիվանդությունը հաղթահարելու, տնտեսությունը վերականգնելու և աշնանը կայանալիք առաջիկա խորհրդարանական ընտրությունները հանգիստ պայմաններում անցկացնելու համար։
Գախարիայի խոսքով՝ Վրաստանի ընդդիմությունը փորձում է երկրում տիրող կրիտիկական իրավիճակն օգտագործել իրենց նեղ քաղաքական և անձնական շահերի համար։
Նա նաև խոսել է նախկին քաղաքապետ Գիգի Ուգուլավային և պաշտպանության նախկին նախարար Իրակլի Օկրուաշվիլիին նախագահ Սալոմե Զուրաբիշվիլիի կողմից ներում շնորհելու և բանտարկությունից ազատ արձակելու մասին։
Նա ասել է, որ իր համար ծանր է, երբ նման մարդիկ ազատ են արձակվում միայն այն պատճառով, որ ընդդիմադիր են։