Ազգային ժողովում կառավարությանն ուղղված հարցերից մեկը վերաբերում էր դատապարտյալների սննդին։ Պատգամավոր Ռուբիկ Ստեփանյանը հարցրեց՝ դատապարտյալների համար հնարավորություն ստեղծվո՞ւմ է նրանց հարազատների ուղարկած սնունդը պատշաճ պայմաններում պահելու համար։
Արդարադատության նախարար Արտակ Զեյնալյանն ի պատասխան ասաց, որ այդպիսի պայմաններ ապահովվում են, բայց և կառավարության անելիքներից մեկն էլ նորմալ սննդով դատապարտյալներին ապահովելն է, որպեսզի նրանք կախված չլինեն հարազատների ուղարկածից։ Զեյնալյանը արձանագրեց, որ իրենց կառավարության ընթացքում հաջողվել է այնպես անել, որ հարազատների ուղարկած հանձնուքների («տուլիկ») քանակը նվազի։
Նա օրինակ բերեց, որ հացի որակի էական բարձրացումից հետո կալանավայրերում հացի սպառումն ավելացել է, փոխվել է նաև սննդի ընդհանուր քանակը։
«Նաև մենք սրանից բխող խնդիր էլ ունենք՝ դատապարտյալների քաշի ավելացման հետ կապված»,- ասաց Զեյնալյանը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
