Ժնևի համալսարանի գիտնականներն առաջարկել են մղձավանջներից ազատվելու նոր միջոց՝ դաշնամուրի որոշակի ակորդների նվագը։ Գիտնականների վերոնշյալ հետազոտությունը հրապարակվել է Current Biology ամսագրում։
Հետազոտությանը մասնակցել է 36 կամավոր, որոնց մոտ ախտորոշվել է քնի խանգարում` մղձավանջների տեսքով:
Հետազոտողները խնդրել են կամավորներին վերաշարադրել իրենց ամենահաճախ կրկնվող մղձավանջները դրական լույսի ներքո, ինչպես նաև խոսել այն ձայների մասին, որոնք նրանք կապում են դրական հույզերի հետ: «Մղձավանջները վերաշարադրելուց» հետո կամավորներին քնեցրել են և ամեն 10 վայրկյանը մեկ նվագել դաշնամուրի C6/9 ակորդը, որը կապված է դրական փորձառությունների հետ:
Հետազոտության սկզբում խումբը շաբաթական ունեցել է միջինը 2,58 մղձավանջ, հետազոտության ավարտին վերահսկիչ խմբում մղձավանջների թիվը նվազել է մինչև 1,02:
«Մենք տեսանք մղձավանջների արագ նվազում, իսկ երազները զգացմունքային առումով ավելի դրական դարձան: Այս արդյունքները շատ խոստումնալից են՝ ուսումնասիրելու, թե ինչպես է մեր միտքը մշակում մեր զգացմունքները քնի ժամանակ, ինչպես նաեւ նոր բուժումներ մշակելու առումով»,- նշել են գիտնականները։
