Կատակ է եղել․ Քերոբյանը՝ հրաժարականի վերաբերյալ իր հայտարարության մասին

Հայաստանի Հանրապետության էկոնոմիկայի նախարար Վահան Քերոբյանն այսօր Ազգային ժողովում պատասխանեց «Պատիվ ունեմ» խմբակցությունից Արեգնազ Մանուկյանի հարցին՝ կապված նախարարի՝ երկնիշ տնտեսական աճ չտալու դեպքում հրաժարական տալու մասին հայտարարության հետ։

Քերոբյանն ասաց, որ այդ հայտարարությունը կատակով է արել, քանի որ այն կոնտեքստը, որով դա արվել է, կատակ է։ Նա նշեց, որ այդ հայտարարությանը հաջորդել է «Գո՞հ եք» արտահայտությունը։

Նախարարը նշեց, որ 2021-ի տնտեսական կանխատեսումներում նույնիսկ միջազգային կառույցներն են սխալվել։

Հարցին պատասխանելուց հետո Քերոբյանը պատասխան հարց ուղղել Մանուկյանին, ասելով․ «Արդյո՞ք ձեր գործողություններում դուք հետևողակա՞ն եք, թե՞ ուղղակի զվարճանում եք, և ձեր արած հայտարարությունները ոչ մի կապ չունեն հայ ժողովրդի իսկական խնդիրների հետ»։