Կաթնաշոռը բավական օգտակար է օրգանիզմի համար. դրա մեջ կան սպիտակուց, ամինաթթուներ, կալցիում, վիտամիններ, մակրո և միկրոտարրեր։ Կաթնաշոռը նպաստում է ոսկրային հյուսվածքի ամրացմանը, բավական արդյունավետ է լյարդի հիվանդությունների կանխման համար, ինչպես նաև նպաստում է աղիների կծկումների կարգավորմանը։
Ինչպես նշել է սննդաբան Տամարա Կրամչենինովան, կաթնաշոռի մշտական օգտագործումը հանգեցնում է արյան մեջ հեմոգլոբինի բարձրացմանը և նյարդային համակարգի աշխատանքի բարելավմանը, տեղեկացրել է solenka.info-ն։
Բացի այդ, կաթնաշոռի շնորհիվ նվազում է սրտի իշեմիկ հիվանդության առաջացման վտանգը, անոթները դառնում են ավելի ամուր, իջնում է խոլեստերինը։
Բայց կան նաև հակացուցումներ. այդ մթերքը չպետք է ուտեն կաթնային սպիտակուցից ալերգիա և երիկամների հիվանդություններ ունեցող մարդիկ։ Հակացուցումներից է նաև անհատական անմարսելիությունը։ Մասնագետները խորհուրդ են տալիս ավելի զգույշ վերաբերվել կաթնաշոռին աթերոսկլերոզ կամ ճարպակալում ունեցող մարդկանց։
ԽՈՐՀՈւՐԴ Է ՏՐՎՈւՄ ԿԱՐԴԱԼ
