Յուրաքանչյուր տարվա պետական բյուջեով ՀՀ կառավարության կողմից Արցախի կառավարությանը հատկացվելիք միջպետական վարկից մինչև 10 տարի կնախատեսվեն տարեկան մինչև 10 մլրդ դրամ դրամական միջոցներ։
Այս մասին հայտնում են ՀՀ կառավարության Telegram-ի պաշտոնական ալիքից։
Նշվում է, որ Կառավարությունը հավանություն է տվել Արցախի կառավարությանն աջակցություն տրամադրելու վերաբերյալ համաձայնագրին։
Նպատակը պատերազմի հետևանքով նյութական վնաս կրած ֆիզիկական և իրավաբանական անձանց պետական ֆինանսական աջակցության միջոցառման շրջանակներում Արցախի Հանրապետության կառավարությանն օգնելն է։