Հանրապետության տարբեր տեղերում իմ այցելությունների հետ կապված երկու դիտարկում եմ ուզում անել՝ Կառավարության նիստի ժամանակ հայտնեց Նիկոլ Փաշինյանը:
«Առաջինը՝ մենք եղանք Բջնիում, և այնտեղ ես արձանագրեցի, որ Բջնիի Սուրբ Աստվածածին 11-րդ դարի եկեղեցու պատը վթարային վիճակում է, և այնտեղ հենքեր են դրել, որպեսզի չփլուզվի պատը, և ես ԿԳՄՍ նախարարին հանձնարարել եմ, որ մենք իրականացնեք այդ ծրագիրը: Հետո բարեբախտաբար պարզվեց, որ պատրաստի նախագիծ կա, և պետք է ընդամենը ֆինանսավորումն ապահովել»,- ասաց վարչապետը՝ նշելով, որ հանձնարակականներ է տվել նաև Բջնիի ամրոցի հետ կապված:
«Մենք այնտեղ ճանապարհի խնդիր ունենք, որը շատ բարդ ճանապարհ է, շատ մեծ թեքություն ունի, բայց պետք է ճանապարհը կառուցել, նորոգել, որպեսզի զբոսաշրջային պոտենցիալն ամբողջությամբ իրացվի»,- հայտնեց Փաշինյանը:
Նա նշեց, որ նաև հուշարձանի ներկայացման հետ կապված խնդիրներ կան, պետք է լուծումներ գտնել:
«Մենք ունենք մի իրավիճակ, որ հուշարձանը թաքնված է տարբեր այգիների մեջ»,- ասաց նա:
Վարչապետը նշեց, որ նորոգվող Բջնի-Հրազդան ճանապարհը տասնյակ տարիներով չնորոգված ճանապարհ է, և նորոգման արդյունքում զբոսաշրջային պոտենցիալն Աղվերան-Ծաղկաձոր հատվածում էականորեն կակտիվանա՝ Բջնին հաշվի առնելով որպես շատ կարևոր կանգառ:
Նիկոլ Փաշինյանը նշեց, որ պայմանավորվել են հաջորդ տարվա համար դիտարկել Չարենցավանից Աղվերան տանող ճանապարհը: