Միջազգային էներգետիկ գործակալությունն ու Եվրահանձնաժողովը Եվրամիության անդամ երկրների քաղաքացիներին կոչ են արել խնայել էլեկտրաէներգիա՝ ռուսական էներգիայից կախվածությունը նվազեցնելու նպատակով։
Այս մասին հայտարարել է ՄԷԳ-ի գործադիր տնօրեն Ֆաթիհ Բիրոլը։
Նա նշել է, որ էլեկտրաէներգիայի խնայողությունը կարող է նվազեցնել գումարի հոսքը ռուսական բանակ, ինչպես նաև օգնել մարդկանց շարժվել դեպի ավելի մաքուր և կայուն մոլորակ։
Խնայողության շրջանակում ԵՄ քաղաքացիները կարող են անջատել ջեռուցումը, օդորակիչներից օգտվել ավելի քիչ, աշխատել տանից ու օգտվել հասարակական տրանսպորտից։