Մենորկա Օփեն․ Մարտիրոսյանը մինչ այժմ միավոր չի կորցրել

Իսպանիայում շարունակվում է «Մենորկա Օփեն 2022» միջազգային մրցաշարը, որին մասնակցում են նաև հայ շախմատիստներ։

Մասնավորապես Հայկ Մարտիրոսյանն ու Շանթ Սարգսյանը մեկնարկել են շատ հաջող։

Մարտիրոսյանը 3 պարտիաներում էլ հաղթանակ է տոնել ու 3 հնարավորից ունի 3 միավոր։ Այս ցուցանիշով նա բաժանում է 1-ից 10-րդ տեղերը, բայց լրացուցիչ ցուցանիշներով 8-րդն է։

Իսկ Սարգսյանը վաստակել է 2,5 միավոր և լրացուցիչ ցուցանիշներով զբաղեցնում է 13-րդ հորիզոնականը։

Առաջին հորիզոնականում այս պահին գրոսմայստեր Ադհիբանն է։

Նշենք, որ մրցաշարին մասնակցում են 137 շախմատիստներ՝ տասնյակ երկրներից։