Կոլումբիայի պաշտպանության նախարար Դիեգո Մոլանոն իր թվիթերյան էջում հայտնել է, որ Կոլումբիայում ձերբակալվել է թմրանյութերի շրջանառությամբ զբաղվող «Ծոցի կլան» խմբավորման առաջնորդներից մեկը՝ Պաշտո Պալասիոսը, ով հայտնի է «Անիծված Պատրիկ» մականունով:
Կոլումբիայի ռազմածովային ուժերի տվյալներով՝ Պալասիոսը կլանին է միացել 2012 թվականին։
«Ծոցի կլանը» մինչև վերջերս միավորում էր մոտ 1500 ավազակների, որոնց մեծ մասն աջ ծայրահեղական հայացքներով զորացրված զինվորականներ էին, որոնց ղեկավարում էր Դաիրո Անտոնիո Ուսուգան՝ հայտնի Օտոնիել անունով։ 5 տարիների ընթացքում նա եղել է Կոլումբիայի ամենաորոնվող հանցագործը․ հոկտեմբերի 23-ին նրան ձերբակալել են երկրի հյուսիսարևմտյան Անտիոկիա դեպարտամենտում իրականացված ռազմական օպերացիայի արդյունքում։
