«Բարսելոնայի» գաբոնցի հարձակվող Պիեր-Էմերիկ Օբամեյանգը իր առանձնատանը տեղի ունեցած զինված կողոպուտի ժամանակ հանցագործներին դիմադրելիս ծնոտի կոտրվածք է ստացել, հաղորդում է The Athletic-ը։
Ֆուտբոլիստը պետք է վերականգնման փուլ անցնի։ Ապաքինման համար կպահանջվի մոտ մեկ ամիս։
Ավելի վաղ իսպանական El Pais-ը՝ հղում անելով ոստիկանությունում իր աղբյուրներին, գրել էր, որ կողոպուտին մասնակցել է առնվազն չորս մարդ։ Նրանք հրազենով սպառնացել են 33-ամյա ֆուտբոլիստին, հետո ծեծել։ Ոսկտիկանությունը ահազանգը ստացել է Օբամեյանգի կնոջից։ Հանցագործներին հաջողվել է անարգել հեռանալ։ Ընթանում է հետաքննություն։
