Եզրագծին է մոտենում բռնցքամարտի Եվրոպայի երիտասարդական առաջնությունը, որին մասնակցում են նաև Հայաստանը ներկայացնող մարզիկները։ Նրանցից 4-ն անցել են եզրափակիչ փուլ։
Այս մասին տեղեկանում ենք Հայաստանի բռնցքամարտի ֆեդերացիայից։
Նշվում է, որ ոսկե մեդալի համար պայքարելու են 51 կիլոգրամ քաշային Հենրիկ Սահակյանը, 57 կիլոգրամ քաշային արցախցի Մանվել Պետրոսյանը, 60 կիլոգրամ քաշային Էլիդա Քոչարյանը և 86 կիլոգրամ քաշային Հենրիկ Ճղրիկյանը։
Ըստ աղբյուրի՝ եզրափակիչները կայանալու են հոկտեմբերի 23-ին։
