Կրակոցներ Նյու Մեքսիկոյի դպրոցներից մեկում․ կա զոհ

ԱՄՆ-ի Նյու Մեքսիկո նահանգի դպրոցներից մեկում կրակոցներ են հնչել․ դրա հետևանքով մահացել է առնվազն մեկ աշակերտ։

Այս մասին հայտնում է The Washington Post-ը։

Նշվում է, որ ոստիկանության տվյալներով՝ միջադեպը տեղի է ունեցել դասամիջոցին՝ ճաշի ժամանակ, երբ 2 աշակերտների միջև վեճ է ծագել։ Նրանցից մեկը հանել է ատրճանակն ու կրակել մյուսի ուղղությամբ։ Վերջինս մահացել է։

Ըստ աղբյուրի՝ ոստիկանությունն արդեն ձերբակալել է կրակող աշակերտին ու պարզվում են դեպքի բոլոր հանգամանքները։