Նոր պայթյուններ են որոտացել Ռուսաստանի Կրասնոյարսկի երկրամասի Աչինսկ քաղաքից ոչ հեռու գտնվող զորամասերից մեկում, որին հաջորդել է հրդեհ: Վիրավորվել է 10 մարդ:
Ինչպես հաղորդում է Ռուսաստանի պաշտպանության նախարարությունը, պայթյունի պատճառ է դարձել կայծակի հարվածը: Աչինսկ քաղաքի իշխանությունները մարդկանց տարհանել են:
Վերջին անգամ այստեղ պայթյուններ էին որոտացել երկուշաբթի: Այդ ժամանակ զոհվել էր 1, վիրավորվել՝ 12 մարդ:
