Ռեժիսոր Ջեյմս Քեմերոնի «Տիտանիկ» ֆիլմը 25 ամյակի առթիվ վերադառնում է կինոթատրոններ․ հրապարակվել են ֆիլմի նոր թրեյլերն ու պոստեռը, գրում է People ամսագիրը։
3 ժամ և 15 րոպե տևողությամբ ֆիլմը, որը 1998 թվականին արժանացել է կինոակադեմիայի 11 մրցանակի, կներկայացվի 3D ձևաչափով։
Ֆիլմը պատմում է 1912 թվականին խորտակված «Տիտանիկ» նավով ԱՄՆ մեկնող երիտասարդ տղայի և աղջկա սիրո մասին, ովքեր հանդիպում են նավի վրա, սիրահարվում, սակայն կորցնում իրար։
