Իտալիայի գավաթի խաղարկության 1/8 եզրափակիչում «Ինտերը» հյուրընկալել էր «Պարմային»։
Միլանյան թիմը լրացուցիչ ժամանակում հաղթեց 2։1 հաշվով և դուրս եկավ հաջորդ փուլ։
Խաղի հաշիվը 38-րդ րոպեին բացեց «Պարմայի» կիսապաշտպան Ստանկո Յուրիչը, որը 26-րդ րոպեին էր մտել խաղադաշտ՝ փոխարինելով Դենիս Մանին։ Հանդիպման հիմնական ժամանակի ավարտից 2 րոպե առաջ տանտերերի կազմում հաշիվը հավասարեցրեց Լաուտարո Մարտինեսը։
Լրացուցիչ ժամանակի 2-րդ խաղակեսում միլանյան ակումբին հաղթանակ պարգևեց Ֆրանչեսկո Աչերբիի խփած գոլը։
Հայաստանի ազգային հավաքականի նախկին ավագ Հենրիխ Մխիթարյանն «Ինտերի» մեկնարկային կազմում էր և փոխարինվեց 67-րդ րոպեին։
![](https://azat.tv/wp-content/uploads/2022/09/azattvlogoblack.png)