Բրիտանացի երաժիշտ և երգահան Labrinth-ը անակնկալ հայտարարություն է տարածել՝ հայտնելով ժամանցային ինդուստրիայից հեռանալու մասին։ Instagram-ում հրապարակված կոշտ գրառման մեջ նա կտրուկ քննադատել է իր լեյբլին՝ Columbia Records-ին, և HBO-ի հայտնի «Euphoria» սերիալին, որի երաժշտական ձևավորման հեղինակն էր հանդիսանում։ Արտիստը նշել է, որ ավարտել է իր գործունեությունը ոլորտում՝ օգտագործելով կտրուկ արտահայտություններ։
Հայտարարությունը հնչել է «Euphoria» սերիալի երրորդ եթերաշրջանի պրեմիերայից ընդամենը մեկ ամիս առաջ, որը նախատեսված է ապրիլի 12-ին։ Labrinth-ը նախկինում հաստատել էր իր մասնակցությունը նոր եթերաշրջանի աշխատանքներին՝ համագործակցելով կոմպոզիտոր Հանս Ցիմերի հետ։ Այժմ, սակայն, նրա հեռանալը մեծ հարցականի տակ է դնում սերիալի երաժշտական ապագան, ինչպես նաև նրա այլ պլանավորված համերգային ելույթները, այդ թվում՝ սեպտեմբերին Չիկագոյի Ravinia փառատոնում նախատեսված դեբյուտը։ Կողմերը դեռևս պաշտոնական մեկնաբանություններ չեն տվել կատարվածի պատճառների վերաբերյալ։