Լանա Դել Ռեյի պոեմների ժողովածուն կարժենա 1 դոլար

Լանա Դել Ռեյն իր հեղինակած առաջին գիրքն է պատրաստվում հրատարակել. այս մասին երգչուհին հայտնել է իր ինստագրամյան էջում` հավելելով, որ անչափ ոգևորված է:

Գիրքը, որը երգչուհին վերնագրել է «Violet Bent Backwards Over Grass»/«Մանուշակը` խոտի վրա ետ խոնարհված», ընդգրկում է երգչուհու գրած մի շարք պոեմներ: Դել Ռեյը նշում է, որ ինքն իր միջոցներով է հրատարակելու գիրքը և այդ մասով չի համագործակցելու ոչ մի հրատարակչության հետ:

Երբ իր ինստագրամյան էջում մի քանի պոեմ է տեղադրել գրքից, երկրպագուները սկսել են հարցնել` որքա՞ն է արժենալու գիրքը, և արդյո՞ք կարողանալու են ձեռք բերել այն:

Այս հարցին երգչուհին պատասխանել է, որ պոեմների հավաքածուն ընդամենը 1 դոլար է արժենալու. «Քանի որ իմ մտքերն անգին են»:

Լանա Դել Ռեյի «Violet Bent Backwards Over Grass»-ի մասին այլ մանրամասներ դեռևս հայտնի չեն:

Աղբյուրը` vnews.am