Վրաստանի խորհրդարանի մոտ, որտեղ «օտարերկրյա գործակալների մասին» օրենքի դեմ ցույց է ընթանում, իրավիճակը լարվել է։ Ցուցարարները մի քանի անգամ փորձել են քանդել օրենսդիր շենքի մոտ տեղադրված արհեստական ցանկապատերը։
Նրանք ցանկանում են մոտենալ բեմին, որը տեղադրվել է այսօր՝ ապրիլի 29-ին, «Վրացական երազանք» կուսակցության նախատեսած հանրահավաքի համար։
Ոստիկանների շարքում դիմակավորված իրավապահներ են հայտնվել, հաղորդում է «Ազատության» վրացական ծառայությունը։
Բողոքի ակցիայի մասնակիցները պնդում են, որ ցուցարարների ուղղությամբ ինչ-որ գազ է բաց թողնվել։