Կանադայի արտգործնախարար Ֆրանսուա Ֆիլիպ Շամպանը Կանադայի Հայկական ազգային հանձնաժողովին (ANCC) ուղղված նամակում պարզաբանել է երկրի դիրքորոշումը Արցախի հարցում։
Հանձնաժողովը հայտնում է, որ Twitter-ում դիվանագիտական անպատասխանատու և միակողմանի գրառման, որը հրապարակել է Անկարայում Կանադայի դեսպանությունը՝ Արցախի Հանրապետությունում մարտի 31-ին կայացած համընդհանուր ընտրություններից հետո, նախարարը հայտարարել է, որ Կանադան լիակատար աջակցում է ԵԱՀԿ Մինսկի խմբի գործընթացը, հակամարտության խաղաղ կարգավորումը և ինքնորոշման սկզբունքը։ Նրա խոսքերով՝ «Լեռնային Ղարաբաղի հարցով մեր վաղեմի դիրքորոշման մեջ ոչ մի փոփոխություն տեղի չի ունեցել»։
Կանադայի արտգործնախարար Ֆրանսուա Ֆիլիպ Շամպանը նշել է, որ Կանադան համաձայն է Մինսկի խմբի հետ, որ հակամարտությունը չունի ռազմական լուծում և ցանկացած բանաձեւ պետք է նկատի ունենա Հելսինկյան եզրափակիչ դրույթը
«Կանադայի դիրքորոշումը նախկինի պես հիմնված է ԵԱՀԿ Մինսկի խմբի վճռական և հետևողական գործունեության վրա, որն ուղղված է բանակցությունների հիման վրա կարգավորմանը հասնելուն, և մեր դիրքորոշումը չի կանխորոշում այդ գործընթացի ելքը»,- իր նամակում նշել է Կանադայի արտգործնախարարը։
Հիշեցնենք, որ ապրիլի 3-ին ANCC-ը նամակ էր հղել Կանադայի ԱԳՆ ղեկավարին և լուրջ մտահոգություն հայտնել Անկարայում Կանադայի դեսպանության Twitter-յան գրառման առնչությամբ։ Իր թվիթերում Կանադայի դեսպանությունը աջակցություն էր հայտնել «Ադրբեջանի տարածքային ամբողջականությանը» և չէր ճանաչել Արցախում անցկացված ազատ և արդար ընտրությունները։
Աղբյուրը՝ ANCC․
