«Լիվերպուլը» «Վեստ Հեմի» նախկին դարպասապահ Ադրիանի հետ պայմանագիր է կնքել: Այս մասին տեղեկանում ենք «Լիվերպուլի» պաշտոնական կայքից:
32-ամյա իսպանացի ֆուտբոլիստը «Լիվերպուլին» է միացել ազատ գործակալի կարգավիճակով։ Ադրիանի հետ համաձայնության պայմանները չեն հրապարակվում։ Դարպասապահը կփոխարինի Սիմոն Մինյոլեին, որը 6 տարի ակումբում մնալուց հետո տեղափոխվել է «Բրյուգե»:
Ավելի վաղ հաղորդվում էր, որ Ադրիանի ծառայություններով հետաքրքրված է նաև «Ռեալ Վալյադոլիդը», սակայն դարպասապահը հրաժարվել է տեղափոխվել իսպանական ակումբ՝ տեղեկանալով, որ իր ծառայություններով հետաքրքրված է «Լիվերպուլը»:
