Վենեսուելայի առաջնորդ Նիկոլաս Մադուրոն որոշել է փակել ԱՄՆ-ում երկրի դեսպանատունն ու բոլոր հյուպատոսարաններն այն բանից հետո, երբ հայտարարել է Վաշինգտոնի հետ դիվանագիտական հարաբերությունների խզման մասին։ Այս մասին նա ասել է՝ ելույթ ունենալով Գերագույն դատարանում:
Մադուրոն ընդգծել է, որ չի պատրաստվում լքել իր պաշտոնը մինչև լիազորությունների ժամկետի լրանալը՝ 2025 թվականը, և համաձայնություն է հայտնել Մեքսիկայի և Ուրուգվայի կոչին՝ սկսելու երկխոսություն Վենեսուելայի կառավարության և ընդդիմության միջև՝ քաղաքական ճգնաժամը կարգավորելու համար։ Իր ելույթում Մադուրոն դիմել է նաև ամերիկացի ժողովրդին․
«Կոչ եմ անում ԱՄՆ-ի ժողորդին մերժել պետական այս հեղաշրջումն ու աջակցել մեզ Վեեսուելայում ժողովրդավարության համար պայքարում»,-հայտարարել է Մադուրոն։
Պետդեպարտամենտում հայտարարել են, որ ԱՄՆ-ը դիվանագիտական հարաբերություններ կպահպանի Կարակասի հետ իրեն նախագահ հռչակած Վենեսուելայի խորհրդարանի խոսնակ Խուան Գուայդոյի միջոցով։
Հաղորդում է shantnews.am-ը։