Պրահայի «Սլավիան» իր պատմության մեջ երկրորդ անգամ է հայտնվում Չեմպիոնների Լիգայի խմբային փուլում։ Առաջին անգամ դա տեղի է ունեցել 2007 թվականին, որտեղ չեխական ակումբի հետ միասին նույն խմբում էին հայտնվել «Արսենալը», «Սևիլիան» ու «Ստյաուան»։ Մրցակիցները բարդ էին, ինչ խոսք։
Սակայն այս անգամ, երբ թիմը կրկնել է 2007-ի լուրջ հաջողությունն ու իրավունք ստացել պայքարը շարունակելու խմբային փուլում, մրցակիցների հարցում նրանց բախտը էլ ավելի չի բերել։ «Սլավիային» բաժին է հասել «Բարսելոնան», «Բորուսիան» և «Ինտերը»։ Սա տեսնելով՝ թիմի ղեկավարները չեն կարողացել անտարբեր մնալ ու նրանց արձագանքը ստացվել է զավեշտալի։