Ռուս-ուկրաինական հակամարտությունում Ֆրանսիայի դերը ռազմական գործողությունների էսկալացիայի կանխումն ու բանակցությունների համար հող նախապատրաստելն է։ Այս մասին հայտարարել է հանրապետության նախագահ Էմանուել Մակրոնը։
«Հակամարտության սրացումից խուսափելը Ֆրանսիայի դերն է, որպեսզի ոչ միջուկային էսկալացիա, ոչ աշխարհագրական էսկալացիա տեղի ունենա։ Մենք պետք է գործադրենք դիվանագիտական բոլոր ջանքերը, որպեսզի միջուկային սպառնալիքը չհանգեցնի հակամարտության սրման»,- ընդգծել է քաղաքական գործիչը Փարիզի դերը։