Հայաստանի ծանրամարտի պատանեկան և Մ15 տարեկանների հավաքականները հաջող են հանդես եկել Լեհաստանում անցկացված Եվրոպայի առաջնությունում՝ երկամարտի արդյունքով նվաճելով 5 ոսկե, 1 արծաթե և 1 բրոնզե մեդալ:
Մրցումային նախավերջին օրը Եվրոպայի պատանիների չեմպիոնի կոչումը նվաճել է 81 կգ քաշային Էմմա Պողոսյանը՝ երկամարտի 206 կգ արդյունքով: 16-ամյա մարզուհին պոկել է 91 կգ կշռող ծանրաձողը՝ արժանանալով փոքր արծաթե մեդալին, հրել է 115 կգ ծանրաձողը՝ նվաճելով փոքր ոսկե մեդալ:
Հայաստանի ներկայացուցիչներից վերջինը մրցահարթակ է դուրս եկել 96 կգ քաշային Աշոտ Մարգարյանն ու երկամարտի 287 կգ արդյունքով (159+128) դարձել բրոնզե մեդալակիր: Մարգարյանը երրորդ տեղն է զբաղեցրել նաև հրում վարժությունում՝ արժանանալով փոքր բրոնզե մեդալի (159 կգ):
ԽՈՐՀՈւՐԴ Է ՏՐՎՈւՄ ԿԱՐԴԱԼ
