ՀՀ նախագահի աշխատակազմի Facebook-ի էջում հրապարակվել է Արմեն Սարգսյանի հայտարարությունը՝ Արցախյան 44-օրյա պատերազմի տարելիցի կապակցությամբ։
- ԱՄՆ դեսպանը Եռաբլուրում ծաղիկներ է խոնարհել հերոս հայորդիների շիրիմներին
- Բացառում ենք ցանկացած կարգավիճակ Ադրբեջանի կազմում․ Արցախի ԱԳՆ-ի հայտարարությունը
«Մեկ տարի առաջ այս օրը սկսվեց մեր նորօրյա պատմության մեջ ամենադաժան՝ Արցախյան երկրորդ պատերազմը:
Պատերազմ, որը մեզնից խլեց երիտասարդ կյանքեր ու ճակատագրեր:
Խոնարհվում եմ բոլոր նահատակների հիշատակի առաջ, նրանց ընտանիքների ու հարազատների առաջ…
Պատերազմից մեկ տարի անց, հազարավոր զոհերից ու վիրավորներից բացի, դեռևս ունենք գերության և անհայտության մեջ գտնվող զավակներ:
Այսօր առավել քան երբևէ պետք է ներդնենք մեր ուժերը հանուն գերիների վերադարձի, հանուն վիրավորների ապաքինման, հանուն անհայտ կորածների հայտնաբերման։
Հանուն ուժեղ Հայաստանի և Արցախի…
Պետք է կարողանանք գլուխներս բարձր և մեջքներս ուղղած դուրս գալ ստեղծված իրավիճակից և թեկուզ դանդաղ քայլերով, բայց շարժվենք. առաջ…», – ասված է նախագահի տարածած հայտարարությունում։
ԽՈՐՀՈւՐԴ Է ՏՐՎՈւՄ ԿԱՐԴԱԼ
