Բելառուսի նախագահ Ալեքսանդր Լուկաշենկոն ՀԱՊԿ արտահերթ նիստի ընթացքում անդրադարձավ այն պնդմանը, թե ՀԱՊԿ խաղաղապահները օկուպանտներ են։
Նա ասաց, որ տեղեկատվական դաշտում փորձ է արվում խաղաղապահ զորակազմի տեղակայումը ներկայացնել որպես Ղազախստանի օկուպացիա։
Լուկաշենկոյի խոսքով՝ իրենք իրենց սեփական ցանկությամբ չեն այնտեղ ու իրենց հրավիրել է իրենց «եղբայրը, ընկերը, ով պատասխանատու է այդ հսկայական երկրի համար»։
Բելառուսի նախագահն ասաց, որ խաղաղապահները ցուցադրել են հենց այն աջակցությունը, որի մասին խոսել է Ղազախստանի նախագահ Կասիմ-Ժոմարտ Տոկաևը։