Գերմանիայի կանցլեր Անգելա Մերկելին պարգևատրել են Ֆուլբրայթի մրցանակով՝ միջազգային փոխըմբռնման ամրապնդման գործում ունեցած ավանդի և համաշխարհային ճգնաժամերի ժամանակ խաղացած առաջատարի դերի համար։
Բեռլինում մրցանակը ստանալով՝ Մերկելը հայտնել է շատ երկրներում, այդ թվում՝ Գերմանիայում, պոպուլիզմի և ազգայնականության աճող սպառնալիքի մասին։
Նրա խոսքով՝ սպառնալիքի տակ են հայտնվել միջազգային իրավունքի հիմնարար սկզբունքներն ու մարդու իրավունքները։ «Մենք պետք է դրան վճռականորեն դիմակայենք»,- ասել է Մերկելը՝ կարևորելով միջազգային կազմակերպությունների դերը։
Նշվում է, որ Մերկելը դարձել է Ֆուլբրայթի մրցանակի առաջին գերմանացի դափնեկիրը։