ԿՈՆՄԵԲՈԼ-ի հասցեին հնչեցրած բողոքների և մեղադրանքների պատճառով, հնարավոր է, որ Արգենտինայի հավաքականի ավագ Լիոնել Մեսսին որակազրկվի երկար ժամանակով։
Ինչպես հաղորդում է AS-ը, Հարավային Ամերիկայի ֆուտբոլի կոնֆեդերացիան 32-ամյա ֆուտբոլիստին հայտարարությունների համար կարող է որակազրկել մինչև 2 տարի ժամկետով։
Եթե 32-ամյա ֆուտբոլիստը ստանա առավելագույն պատիժը, ապա ազգային ընտրանուն չի կարողանա մասնակցել Քաթարում կայանալիք 2022 թվականի Աշխարհի առաջնության ընտրական փուլին, ինչպես նաև 2020 թվականի Ամերիկայի Գավաթի խաղարկությանը, որը տեղի է ունենալու Արգենտինայում և Կոլումբիայում։
Հիշեցնենք, որ Ամերիկայի Գավաթի խաղարկության կիսաեզրափակիչ փուլի՝ Բրազիլիայի հետ խաղից (0-2) հետո Մեսսին քննադատել էր հանդիպման մրցավարներին, որոնք ամբողջ խաղի ընթացքում չէին օգտվել VAR համակարգից։ Բացի դրանից՝ ֆուտբոլիստը ԿՈՆՄԵԲՈԼ-ին մեղադրել էր կոռուպցիայի մեջ։
ԽՈՐՀՈւՐԴ Է ՏՐՎՈւՄ ԿԱՐԴԱԼ
