Առատ տեղումները Ղրղզստանի մի շարք շրջաններում հեղեղումների պատճառ են դարձել։
Երկրի մեծությամբ երկրորդ քաղաքում՝ Օշում, տարհանվել է 420 մարդ։ Տեղեկությունը հայտնում է Ղրղզստանի ԱԻՆ-ը։
Գերատեսչության տվյալներով՝ հեղեղումներ են Օշում՝ «Բորուբայ-Աթա» հանգստի գոտու շրջանում և Տոլոյկոն գյուղում։ Փրկարարները տարհանում են հանգստյան գոտուց քաղաքացիներին։
Աշխատանքներում ներգրավված է, ընդհանուր առմամբ, 46 փրկարար:
ԱԻՆ-ը հայտնում է, որ Օշում հորդառատ անձրևների պատճառով ափերից դուրս է եկել Ակ-Բուուրա գետը։ Վարարման հետևանքով հեղեղվել են գետին հարակից մի քանի շրջաններ։
Ներկայումս ԱԻՆ աշխատակիցներն աշխատում են տարերքի հետևանքների վերացման ուղղությամբ:
![](https://azat.tv/wp-content/uploads/2022/09/azattvlogoblack.png)