ԵԽԽՎ հայկական պատվիրակության ղեկավար Ռուբեն Ռուբինյանն այսօր ճեպազրույցի ընթացքում անդրադարձավ քովիդի թեմային։
Նա ասաց, որ Եվրոպայում կորոնավիրուսի նկատմամբ դրսևորվող վերաբերմունքն ավելի վճռական է քան Հայաստանում և այդ միջոցառումների շնորհիվ այնտեղ դրական արդյունք կա։ Նրա խոսքով՝ Ֆրանսիայում է 80-85 տոկոսի է հասել պատվաստումների թիվը։
Ռուբինյանը նշեց, որ այս պահին կորոնավիրուսի դեմ ամենաէֆեկտիվը պատվաստումն է։ Նրա խոսքով՝ պատվաստումը 100 տոկոսով չի պաշտպանում վարակվելուց, բայց ապացուցված է, որ այն նվազեցնում է վարակվելու ու հիվանդացությունը ծանր տանելու ռիսկը։
Նա նաև լրագրողներին կոչ արեց չմասնակցել պատվաստումների թեմաներով տարբեր մանիպուլյատիվ քննարկումների։