Միջազգային դոնորները խոստացել են այս տարի մոտ 7 միլիարդ դոլարի օգնություն տրամադրել Սիրիայի քաղաքացիական պատերազմից տուժածներին Այս մասին հայտարարել է Եվրամիության մարդասիրական հարցերով հանձնակատարը Բրյուսելում երեկ ավարտված եռօրյա համաժողովից հետո:
Ավելի վաղ ՄԱԿ-ը հայտարարել էր, որ սիրիացի փախստականների կարիքները հոգալու համար անհրաժեշտ է 9 միլիարդ եվրո: Չնայած հանգանակված գումարը դրանից քիչ է եղել, ՄԱԿ-ի օգնության հարցով հանձնակատարը ողջունել է մարդասիրական համաժողովի արդյունքը՝ միաժամանակ ընդգծելով, որ միայն քաղաքական կարգավորումը կարող է վերջ դնել սիրիացիների՝ արդեն 8-րդ տարին շարունակվող տառապանքներին