Մոսկվայում կայացել է Հայաստանի Հանրապետության արտաքին գործերի նախարար Զոհրաբ Մնացականյանի և Ռուսաստանի Դաշնության անվտանգության խորհրդի քարտուղար Նիկոլայ Պատրուշևի հանդիպումը: Այս մասին տեղեկացնում է ՌԴ անվտանգության խորհրդի քարտուղարի աշխատակազմի մամուլի ծառայությունը:
Կողմերը քննարկել են ԼՂ հակամարտության կարգավորմանն առնչվող հարցերը:
Նշվում է, որ հաստատել են Լեռնային Ղարաբաղի հակամարտության գոտում իրավիճակը բացառապես քաղաքական-դիվանագիտական մեթոդներով կարգավորելու ջանքերին իրենց հավատարմությունը։