Պորտուգալացի մասնագետ Ժոզե Մոուրինյոն ցանկանում է կրկին գլխավորել Մադրիդի «Ռեալ»-ը: Այս մասին հայտնում է AS-ը:
Ինչպես փոխանցում է աղբյուրը, 56-ամյա մարզիչը հրաժարվել է մի շարք առաջարկներից և սպասում է, թե երբ է «արքայական» ակումբ-ի գլխավոր մարզչի պաշտոնը կրկին թափուր մնալու:
Հիշեցնենք, որ Մոուրինյոն նախկինում «Ռեալ»-ը գլխավորել է 2010-13 թվակններին: Այդ ընթացքում թիմը դարձել է Իսպանիայի չեմպիոն, գավաթակիր և սուպերգավաթակիր:
Ավելի վաղ, տեղեկություններ էին տարածվել, որ «արքայական» ակումբի ներկայիս մարզիչ Զինեդին Զիդանը տարաձայնություններ ունի ակումբի նախագահ Ֆլորենտինո Պերեսի հետ։ Որպես պատճառ ԶԼՄ-ները նշում էին Պոլ Պոգբայի տրանսֆերի ձախողումը:
