Հուլիսի 12-ին Եվրոպա Նոստրան և Հնագետների եվրոպական ասոցիացիան հրապարակել են համատեղ հայտարարություն, որում կոչ է արվում Լեռնային Ղարաբաղի տարածքում և հարակից շրջաններում համապարփակ պաշտպանել հարուստ բազմամշակութային ժառանգության ամբողջականությունը, իսկությունը և բազմազանությունը:
Հայտարարության առանցքային նպատակն է խթանել անկախ փորձագիտական առաքելության կազմակերպումը Լեռնային Ղարաբաղում և հարակից շրջաններում` տարածաշրջանում վտանգված բազմամշակութային և բազմադավան ժառանգության պահպանման պայմաններ ստեղծելու համար և նպաստել իրավիճակի բարելավմանը՝ հանուն տարածաշրջանում խաղաղության, հաշտեցման և վստահության ամրապնդման և ի շահ ոչ միայն Հայաստանի ու Ադրբեջանի, այլև ամբողջ Եվրոպայի:
- ՀԱՍԱՐԱԿՈՒԹՅՈՒՆEuropa Nostra-ն և Հնագետների եվրոպական ասոցիացիան ԼՂ-ում մշակութային ժառանգությունը պաշտպանելու կոչ են հղել
- Արցախի պատմամշակութային ժառանգությունը՝ համաշխարհային մշակույթի գանձարանում
Եվրոպա Նոստրան և Հնագետների եվրոպական ասոցիացիան հորդորում են ինչպես Ադրբեջանին, այնպես էլ Հայաստանին համագործակցել և պահպանել իրենց ստանձնած պարտականությունները և միջազգային պարտավորությունները:
Հայտարարությունը համահունչ է հակամարտությունների և ճգնաժամերի պայմաններում մշակութային ժառանգությանը ԵՄ մոտեցման վերաբերյալ շատ կարևոր եզրակացություններին, որոնք ընդունվել են 2021 թ. հունիսի 21-ին Եվրամիության խորհրդի կողմից՝ ճանաչելով մշակութային ժառանգության կարևոր դերը խաղաղության, ժողովրդավարության և կայուն զարգացման գործում՝ որպես ԵՄ արտաքին հարաբերությունների շրջանակներում խաղաղության, անվտանգության և զարգացման Եվրամիության մոտեցման մի մաս:
ԽՈՐՀՈւՐԴ Է ՏՐՎՈւՄ ԿԱՐԴԱԼ
