Ամառային տրանսֆերային պատուհանի փակվելուն պես ակումբները արդեն իսկ մտածում են գալիք տրանսֆերային պատուհանի ընթացքում հնարավոր ձեռքբերումների մասին։
Ինչպես գրում է The Sun-ը, «Մանչեսթեր Յունայթեդը» ձմեռային տրանսֆերային պատուհանի ընթացքում քայլեր է ձեռնարկելու Լոնդոնի «Տոտենհեմի» դանիացի կիսապաշտպան Քրիստիան Էրիկսենին ձեռք բերելու համար։ Նշենք, որ ամառային տրանսֆերային պատուհանի ընթացքում Էրիկսենի ծառայություններով հետաքրքրված էր Մադրիդի «Ռեալը»։
Էրիկսենի պայմանագիրը «Տոտենհեմ»-ի հետ ավարտվում է 2020 թվականի հունիսի 30-ին։ Ավելի վաղ դանիացի ֆուտբոլիստը հայտարարել էր, որ կցանկանար ղեկավարել իր կարիերան այնպես, ինչպես Football Manager-ում։
Հիշեցնենք, որ Թուրինի «Յուվենտուսը» իր հերթին մտադիր է հավատարիմ մնալ իր ավանդույթներին և հաջորդ ամառ քայլեր ձեռնարկել Էրիկսենին անվճար ձեռք բերելու ուղղությամբ։