Անօդաչու ուղղաթիռը, որն ընդունակ է թռչել Մարսի մթնոլորտում, ստեղծել են Փասադիանայի Ռեակտիվ շարժման լաբորատորիայի ամերիկացի մասնագետները։ Այս մասին հաղորդում է ՏԱՍՍ-ը:
Դրանում չեն լինի գիտական սարքավորումներ, այն նախատեսված է նրա համար, որպեսզի ապացուցի Մարսի մթնոլորտում թռիչքի հնարավորությունը:
Space.com-ը հաղորդում է, որ փետրվարին ուղղաթիռն արդեն փորձնական թռիչք է կատարել «Տիեզերական իմիտատորում»՝ մոտ 8 մ տրամագծով փորձնական խցիկում, որտեղ ստեղծվել են պայմաններ, որոնք գոյություն ունեն Մարսի մակերևույթի վրա:
Փորձերի ավարտից հետո այն առաքվել է Դենվերի փորձնական կենտրոն:
«Դեռ ոչ ոք ուղղաթիռներ չի ստեղծել Մարսի մթնոլորտում թռիչքի համար, դրա համար մենք ամեն անգամ նոր խնդիրներ ենք լուծում, – Space.com-ին տված հարցազրույցում ասել է Mars Helicopter նախագծի ղեկավար Միմի Աունը: Մենք սպասում ենք, որ փորձարկումները կավարտվեն և մենք կարող ենք այն փոխանցել մոնատաժային կորպուս մարսագնացի վրա տեղադրման համար արդեն այս տարվա ամռանը»:
NASA-ի փորձագետները կարծում են, որ ապագայում ուղղաթիռները հնարավոր կլինի կիրառել Մարսի մակերևույթին դժվարամատչելի շրջանների հետազոտության համար, մասնավորապես խորը խառնարանների և բարձր ժայռերի:
Խնդիրներից մեկը, որի հետ բախվում են մասնագետները ազդանշանի ուշացումն է 4-ից մինչև 24 րոպե՝ կախված Երկրի և Մարսի փոխադարձ դիրքից, ինչը զգալիորեն դժվարացնում է սարքով հեռակառավարումը:
6 անիվներով Mars 2020 մարսագնացը մոտ 3մ երկարություն ունի, լայնությունը՝ 27 մ է, իսկ բարձրությունը՝ 2.2 մ: Սարքի կշիռը կազմում է 1050 կգ:
Կանավերալ հրվանդանից Mars 2020 արձակման համար նախատեսվում է օգտագործել Atlas V հրթիռ կրիչը:
