Լոնդոնի բնակչուհին պատմել է, թե ինչպես է 80:20 կանոնի շնորհիվ հինգ ամսում նիհարել 19 կիլոգրամով։ Նրա հաջողության գաղտնիքը բացահայտել է 7News հեռուստաալիքի կայքը։
2020 թվականի փետրվարին մահացել է 25-ամյա Ստեֆանի Նետոյի հայրը։ Դրանից հետո նա դադարել է հոգալ իր մասին և ավելի ու ավելի շատ է սնվել սթրեսից։ Թունավոր հարաբերությունները, որոնցում նա գտնվում էր այդ ժամանակ, միայն վատթարացրել է ամեն ինչ: Դրանց պատճառով չափից շատ ուտելուն ավելացել է ալկոհոլի չարաշահումը։ Շուտով նա քաշ է հավաքել մինչև 79 կիլոգրամ։
Գիտակցելով խնդիրը՝ Նետոն որոշել է փոխել իր ապրելակերպը։ Նա սկսել է մարզվել և փորձել քաշի կորստի տարբեր մեթոդներ։ Սկզբում կինը փորձել է դիետայից բացառել ածխաջրերն ու արագ սնունդը և կազմակերպել սիրտ-մարզումներ, սակայն դա անարդյունավետ է ստացվել։ Ազդեցությունը զգացել է, երբ նա սկսել է հետևել 80:20 կանոնին: Նրա խոսքով, սննդակարգի 80 տոկոսը պետք է լինի սննդարար տնական մթերքները, իսկ 20 տոկոսը՝ պատրաստի սնունդը, որը դուք կարող եք հյուրասիրել ինքներդ ձեզ։
Այժմ Նետոն նախաճաշին ուտում է շիլա՝ մրգերով, ճաշին՝ խաշած ձվով թխվածքաբլիթներ, իսկ ընթրիքին՝ սաղմոն՝ բրնձով և բանջարեղենով։ Որպես խորտիկ նա իրեն թույլ է տալիս ցածր կալորիականությամբ պաղպաղակ, գրանոլա, սպիտակուցային յոգուրտներ և այլ ցածր կալորիականությամբ մթերքներ։ Կինը օրական 10000 քայլ է քայլում, ամեն օր սպորտով է զբաղվում և շաբաթը չորս անգամ ուժային մարզումներ է անում:
Թեև նա գրեթե չի սահմանափակում իրեն, բայց դա խնդրի չի վերածվում։ «Սովորաբար մարդիկ կարծում են, որ նիհարելու համար պետք է ավելի քիչ ուտել, բայց իրականում պետք է ավելի քիչ կալորիաներ օգտագործել, քան օրգանիզմում գործընթացները», – բացատրում է Նետոն: Նրա խոսքով՝ ինքն իրեն ավելի ուժեղ, երջանիկ ու առողջ է զգում, քան երբևէ։